Formål/Bakgrunn for planarbeidet
Formål med planarbeidet er endring av detaljreguleringsplan for Losnegård 65/1 (PlanID: 201303), for å fremme utvikling av eksisterande naustområde i Ølvevika. Innanfor området i sjø skal det leggast til rette for småbåthamn, samt etablerast ei flytebrygge i betong, som i tillegg til å huse båtplassar skal fungere som bølgjebrytar. Tilkomst til denne er planlagd som traktorsti i forlenging av eksisterande veg. Det er tenkt mindre justeringar av vegareal for å samsvare med bygd situasjon. I tillegg er det nødvendig med ei mindre fylling i sjø i forbindelse med etablering av naust, samt for landkopling av flytebrygge. Det er tenkt å nytte lokale masser til dette.
I høve bygging langs sjø/strandsone, er Solund kommune kategorisert i sone 3, i statlege planretningslinjer for strandsona jf. Kapittel 10 – Retningslinjer for områder med mindre press på arealene (sone 3). Det vert vist til at etablering av naust og brygger kan tillatast, og bør samlast og lokaliserast i tilknyting til anna utbygging. Planlagde tiltak med etablering av naust og flytebrygge vert såleis vurdert å vere i samsvar med differansiert strandsoneforvaltning.
Det vert lagt vekt på at tiltak skal tilpasse seg det bygde miljøet med tanke på volum, siktlinjer og materialbruk.
Arealformål i overordna plan og gjeldande reguleringsplan
Aktuelt område er i Kommuneplanen sin arealdel 2020-2033 avsett til Farled, Næringsverksemd, hamn, andre typar bebyggelse og anlegg, fritidsbebyggelse, LNFR, naturområde, blå/grønnstruktur samt veg. Endring omfattar areal avsett til hamn, farled, naust, Blå/grønstruktur og veg.
Planområdet pr i dag er i Reguleringsplan for Losnagård Gbnr. 65/1 regulert til blant anna farled, næringsverksemd, uthus/naust/badehus, friluftsføremål, naturområde av LNFR, Fritidsbebyggelse frittliggande og konsentrert, bustad, friluftsområde i sjø- og vassdrag. Formål som vert påverka av planendring er i hovudsak hamn, naust, veg og friluftsformål.
Planforslaget er vurdert å i hovudsak samsvare med overordna plan.
Planprosess
Det vart oppretta dialog med Solund kommune vår 2025 vedrørande ynskje om endring av reguleringsplan for Losna, med formål om å utvikle eksisterande naustområde på Losna. Vidare vart det utarbeida planinitiativ i samband med forslag til endring av reguleringsplan. Oppstartsmøte med Solund kommune vart gjennomført den 14.08.2025, der kommunen tilrår oppstart av planarbeid. Som følgje av tiltak i strandsona, vart det i etterkant av møtet konkludert frå kommunen si side at reguleringsendring ikkje kan handsamast etter §12-14 2. ledd, og at det skal kunngjerast oppstart av planarbeid etter vanleg prosess.
Tema som skal vurderast særskilt i planarbeidet er blant anna: estetikk og byggeskikk, naturmangfald og vassmiljø, friluftsliv, jordvern og landbruk, m.fl. Verknad av desse vil bli vurdert i planomtalen.
Utgreiingsbehov og vurdering av om planen er omfatta forskrift om konsekvensutgreiing
Formål med planarbeidet, og forslag til planformål, er vurdert å samsvare med overordna plan, og fell såleis ikkje inn under forskrifta §6, vedlegg 1. Plan gjeld tiltak etter plan- og bygningslova, og fell såleis heller ikkje inn under forskrifta §7. Planen gjeld tiltak etter plan- og bygningslova, og fell såleis heller ikkje inn under forskrifta §7. Vidare er det vurdert at plantiltak ikkje fell inn under vedlegg 2, at tiltaka ikkje vil føre med seg vesentleg verknad for miljø eller samfunn etter forskrifta §10, og at planen då heller ikkje fell inn under forskrifta §8.
Planarbeidet blir med dette som grunnlag vurdert å ikkje falle inn under forskriftas saklege verkeområde, og dermed heller ikkje utløyse krav om konsekvensutgreiing (KU).
For meir informasjon i høve tiltak, samt verknadar av planforslag, sjå utfyllande planinitiativ og oppstartsmøtereferat.
Medverknad
Fagmynde, grunneigarar/naboar mfl. vert inviterte til å kome med innspel gjennom varsling og kunngjering av planoppstart. Det vert lagt opp til dialog og avklaringar med aktuelle fagmynde undervegs i planprosessen etter behov.
Kunngjering og høyringsfrist:
Planarbeidet blir kunngjort i avisa Ytre Sogn 26.09.2025. I tillegg vert annonse med oversiktskart og planavgrensing og referat frå oppstartsmøte lagt ut på Solund kommune sine nettsider: www.solund.kommune.no og iVest Consult as sine nettsider www.ivestconsult.no.
Naboar/Partar er tilskrive med eige brev.
Dei som har innspel, merknader eller spørsmål til planarbeidet kan vende seg til
iVest Consult AS, innan 26.10.2025.
iVest Consult:
Strandgata 10, 6905 FLORØ
Telefon 95210105
E-post: plan@ivestconsult.no
Vedlegg1_Planinitiativ_planspørsmål_RP endring Losna_20250425.pdf (PDF, 583 kB)
Vedlegg2_Referat frå oppstartsmøte 14.08.25.pdf (PDF, 532 kB)
Vedlegg3_Illustrasjonar og kart.pdf (PDF, 690 kB)