Varsel om planoppstart og høyring på planprogram til kommuneplanen sin samfunnsdel

Kommuneplanen sin samfunnsdel set mål for utviklinga i kommunen og retningsliner for sektorane si planlegging og aktivitet. Det er høyring på planprgrammet som set rammer for arbeidet med samfunnsdelen. Planprogrammet legg føringar for det vidare arbeidet med samfunnsdelen, som til dømes medverknad, framdriftsplan, organisering og kor omfattande revisjonen av planen skal vere. 

Kommunestyret i Solund gjorde i k-sak 016/24 vedtak om å legge ut planprogram for revisjon av samfunnsdelen for Solund kommune, jf. plan- og bygningslova § 11-3 ut på høyring og offentleg ettersyn. Det vert samtidig varsla oppstart av planarbeid.

 Planprogrammet ligg på Solund kommune si heimeside og i resepsjonen på kommunehuset.

 Solund kommune er oppteken av å sikre medverknad også blant kommunen sine innbyggjarar, lag og organisasjonar, og næringsliv, og oppmodar desse om å komme med innspel.

 Høyringsfristen er sett til 01.07.2024.

 Vi ber om at innspel merkast med sak 23/2 Planprogram kommuneplanen sin samfunnsdel, og sendast på e-post til post@solund.kommune.no, eller skriftleg til Solund kommune, Hardbakke 26, 6924 Hardbakke.

 

Lenker

  •  K-sak 016/24 Oppstart av planarbeid og utlegging av planprgram til offentleg ettersyn (lenke)
  • Planprgram kommunaplnen sin samfunnsdel Solund kommune 2024 (lenke) 
Publisert 19.04.2024 13.22
Sist endra 24.04.2024 09.06