Tilskot i jordbruket

Produksjonstilskot

Kven kan søkje om produksjonstilskot?

Føretak som driv vanleg jordbruksproduksjon kan søkje om produksjonstilskot, t.d. arealtilskot, kulturlandskapstilskot, tilskot til husdyr osv. Føremålet er å bidra til eit aktivt og bærekraftig jordbruk.

Føretaket må vere registrert i Einingsregisteret i Brønnøysund innan søknadsfristen og drive vanleg jordbruksproduksjon på ein eller fleire eigedommar.

Manglande eller mangelfull gjødslingsplan og/eller sprøytejournal kan føre til avkorting av produksjonstilskotet.

Slik søker du

Søk om produksjonstilskot via Altinn

Søknadsfristar, telje- og utbetalingsdato

Søknad om produksjonstilskot og tilskot til avløysing ved ferie har to søknadsfristar i året:

15. mars (med teljedato 1. mars)
15. oktober (med teljedato 1. oktober).

Tilskota vil bli utbetalt i februar året etter at du har søkt.

Har du spørsmål?

Kikk innom nettsidene til Landbruksdirektoratet, der er det stor sjanse for at du finn svar på spørsmåla dine.

Tilskot til avløysing ved sjukdom og fødsel med meir

Kven kan søkje om tilskot til avløysing?

Føretak som driv husdyrproduksjon, planteproduksjon på friland, produksjon i veksthus eller honningproduksjon, kan søkje om tilskot til avløysing dersom jordbrukaren blir sjuk, skal ha eller har fått barn eller har sjukt barn. Privatpersonar som er etterlaten ektefelle, sambuar, forelder eller barn til avdød jordbrukar kan søkje om tilskot til avløysing for inntil 8 veker etter dødsfallet.

Søknadsfrist

Søknadsfristen er eit år etter siste dag i perioden du søkjer tilskot for.

Slik søker du

Søk om tilskot til avløysing via Altinn

Har du spørsmål?

Kikk innom nettsidene til Landbruksdirektoratet, der er det stor sjanse for at du finn svar på spørsmåla dine.

Tilskot til tiltak i beiteområde

Kven kan søkje om tilskot til tiltak i beiteområde?

Lag, foreiningar og føretak som driv næringsmessig beitedrift kan få støtte til investeringstiltak og/eller planleggings- og tilretteleggingsprosjekter i beiteområde. Føremålet med tilskotet er å legge til rette for best mogleg utnytting av beite i utmark, redusere tap av dyr på utmarksbeite og fremje fellestiltak i beiteområda.

Søknadsfrist

Søknadsfristen er 1. mars

Slik søkjer du

Beitelag sender søknad til kommunen. Søknadsskjema leverast elektronisk gjennom Altinn.

Søk om tilskot til tiltak i beiteområde via Altinn

Har du spørsmål?

Kikk innom nettsidene til Landbruksdirektoratet, der er det stor sjanse for at du finn svar på spørsmåla dine.

Spesielle miljøtiltak i jordbruket - SMIL-midlar

Kven kan søkje om SMIL-midlar?

Føretak som oppfyller vilkåra i forskrift om produksjonstilskot og avløysartilskot.
Eigar av landbrukseigedom kan søkje, dersom det er ein produksjon på landbrukseigedommen som oppfyller vilkåra i forskrift om produksjonstilskot og avløysartilskot.

Søknaden skal som eit minimum innehalde

Omtale av tiltaket
Framdriftsplan
Kostnadsoverslag (frå bygningskyndig dersom det gjeld bygning)
Finansieringsplan
Kart over driftseininga der det aktuelle tiltaket er avmerka (kulturminne, erosjonsutsette areal og område med viktige miljøkvalitetar)
Fotografi og/eller teikningar.
Løyve frå grunneigar dersom tiltaket skjer på leigd landbrukseigedom.
Gjødslingsplan og journal over nytta plantevernmidlar.

Les dette før du søkjer

Tiltastrategien legg føringar for tildeling av tilskot, og bør lesast før du søkjer.
For å få tilskot til å restaurere ein verneverdig bygning, må arbeidast utførast etter antikvariske prinsipp. Les Vestland fylkeskommune sin rettleiar for antikvarisk istadsetjing.

Tiltaksstrategi Solund kommune (PDF, 599 kB)

Rettleiar for antikvarisk istandsetjing (PDF, 13 MB)

Slik søkjer du

Søk om SMIL-tilskot via Altinn

Søknadsfrist

Søknadsfristen er 1. april og eventuelt 15. august om det er att midlar.

Tiltaksstrategien legg føringar for kva SMIL-midlane skal gå til

Føremålet med SMIL-midlane er å fremje natur- og kulturminneverdiar i kulturlandskapet, og redusere ureining frå jordbruket utanom det ein kan forvente gjennom vanleg jordbruksdrift. Som fylgje av siste jordbruksavtale kan kommunen også løyve SMIL-midlar til å dekke over eksisterande gjødsellager.

Har du spørsmål?

Kikk innom på nettsidene til Landbruksdirektoratet, der er det stor sjanse for at du finn svar på spørsmåla dine.

Tilskot til drenering av jordbruksjord

Tilskot til drenering skal betre kvaliteten på tidlegare grøfta jordbruksjord for å auke produktiviteten, samt å redusere risiko for erosjon og overflateavrenning til vassdrag. Eigar av, eller føretak som leiger tidligare grøfta jordbruksareal, kan søkje.

Søknadsfrist

Du kan søke heile året, det er ingen søknadsfrist.

Slik søker du

Søk om tilskot til drenering via Altinn

Har du spørsmål?

Du finn informasjon på nettsidene til Landbruksdirektoratet,.

Regionalt miljøprogram

Regionalt miljøprogram skal stimulere til å ta vare på og utvikle det opne og særmerkte kulturlandskapet. Tilskota i miljøprogrammet er til liks med nasjonale produksjonstilskot ei årleg driftsstøtte, til føretak i drift som oppfyller visse vilkår. For å kunne søke må ein ha rett på produksjonstilskot i jordbruket.

Søknadsfrist

Søknadsfristen er 15. oktober

Slik søker du

Søk om regionalt miljøprogram via Altinn

Har du spørsmål?

Kikk innom nettsidene til Fylkesmannen i Vestland, der er det stor sjanse for at du finn svar på spørsmåla dine.

Organisert beitebruk

Driftstilskot til organisert beitebruk skal stimulere til samarbeidstiltak for å få til ein effektiv beitebruk som bidreg til å halde kulturlandskapet ope. Driftstilskot kan gjevast til drift av godkjent beitelag som arbeider for felles beitebruk i utmark og redusert tap gjennom organisert tilsyn, sanking og andre fellestiltak.

Søknadsfrist

Søknadsfristen er 15. november

Slik søker du

Søk om tilskot til organisert beitebruk via Altinn

Har du spørsmål?

Les meir om organisert beitebruk på nettsidene til Fylkesmannen i Vestland.

Erstatninga ved avlingssvikt

Kven kan søkje om erstatning ved avlingssikt?

Jordbruksføretak som har hatt vesentleg avlingssvikt kan søkje om erstatning. Avlingssvikten må ha ei klimatisk årsak som det ikkje er mogleg å sikre seg mot. Erstatning føreset at det er godt dokumentert at det er ein klimatisk skade som er årsak til avlingssvikten. Føretaket må melde frå til kommunenen om mogleg avlingssvikt så tidleg som råd, slik at kommunen har høve til å kontrollere arealet på eit tidspunkt der klimaskaden kan påvisast.

Slik søkjer du

Søk om erstatning via Altinn

Søknadsfrist

Søknadsfristen er 31. oktober, og fristen er absolutt.

Har du spørsmål?

Du finn meir informasjon på nettsidene til Landbruksdirektoratet.

BU-midlar - Innovasjon Norge