Målgruppe
Tilbodet er til deg som står i fare for å utvikle, eller som allereie har utvikla livsstilsjukdommar.
Det kan til dømes vere
- hjarte- og karsjukdommar
- diabetes
- kols
- nokre typar kreft.
Tilbodet er førebels avgrensa til personar frå 16 år og oppover.
Kva tilbod kan frisklivssentralen gje
Fyrste besøk er ein helsesamtale der ein kartlegg behov for vidare oppfølging. Det vert sett fokus på din eigen motivasjon til å endre levevanane dine.
Deretter gjer vi ei vurdering i lag om kva slags oppfølging som passar for deg. Dette kan vere individuelle samtalar, individuell- eller gruppetrening, og kurs. Målet er å gjere deg betre i stand til å kunne meistre livsstilsendringa på eigahand.
Etter kvart vil det komme kurs innan aktuelle tema som vil vere opne for alle innbyggjarar.
Pris
Alle tilbod ved frisklivssentralen er gratis.
Slik når du oss
Du kan ta direkte kontakt med sentralen, eller be om ei tilvising frå til dømes fastlege, fysioterapeut, ergoterapeut, psykolog eller NAV.
Sentralen held til i andre etasje på Solund Helsetun.