Ung og framtida i Solund

Ved tett samarbeid med målgruppa sjølv, har vi funne ut kva ungdommane treng og ønskjer seg frå samfunnet – både no og i framtida. Også for dei som fell utanfor arbeidslivet. Her er noko av det vi har fått til, i lag med flinke unge, tilsette, politikarar, Solund ungdomsråd og ressurspersonar i dei ulike målgruppene:

• Styrking av ungdomsrådet og lokal ungdomstransport
• Starta opp inkluderande møteplassar
  • Ungdomsklubb
  • Solund fellesarena (SoFA) for 18+
• Systematisert informasjonsdeling, og etablert informasjonskanalar og kontaktflater retta mot unge
  • Sosiale media
  • Digitale nyheitsbrev
  • Eiga Ung i Solund-nettside  
• Ny ungdomskoordinator-rolle tilsett på skulen
• Initiativ om sambruk av område, og innkjøp av fellesutstyr til dette (Ungdomsmidla)
• Styrka og systematisert faget Utdanningsval og lokal karrieremesse, for å bli betre kjende med  jobbmoglegheitene i/frå Solund
• Samarbeid med andre aktørar og prosjekt for å realisere ynskjer
• M.v.

Prosjektet er eit forskingsprosjekt, og varer i perioden 2022-2026. Dei tiltaka som har mogleg eller dokumentert positiv effekt, får bli med vidare i vanleg drift. Det same gjeld dei gode måtane vi har fått erfaring med å jobbe på. Som samskapinga med dei unge og bruk av ressurspersonar i målgruppa.