Når kan du bestille førehandskonferanse
Førehandskonferanse kan du bestille ved alle typar tiltak etter plan- og bygningslova. For tiltak der du sjølv kan søke om byggeløyve kan du møte kommunen aleine. Dersom du er i tvil om tiltaket ditt er søknadspliktig eller ikkje, kan du og bestille ein førehandskonferanse.
For søknadspliktige tiltak der fagfolk må stå ansvarleg for søknaden, bør ansvarleg søkar delta på førehandskonferansen. Førehandskonferanse blir halde før ein eventuell byggesøknad blir sendt til kommunen.
Vilkår
Kommunen pliktar å halde førehandskonferanse dersom du som tiltakshavar vil ha det. Før møtet skal du eller ansvarleg søkar gje kommunen dei opplysningar som er naudsynt for å halde konferanse. Dette vil som regel vere kart, teikningar, skildring, avklaring om dispensasjon osv.
Korleis bestille førehandskonferanse
Dersom du vil ha ein førehandskonferanse med kommunen kan du sende ein skriftleg førespurnad til kommunen. Bestilling kan bli gjort ved e-post til post@solund.kommune.no eller pr brev til
Solund kommune
Hardbakke 26
6924 Hardbakke
Du må i bestillinga gjere greie for kva du vil bygge og på kva eigedom. Forhold som du vil ha avklaring på under konferansen må kommunen få vite om før møtet. Før møtet skal du eller ansvarleg søkar gje kommunen dei opplysningar som er naudsynt for å halde konferanse. Dette vil som regel vere kart, teikningar, skildring, avklaring om dispensasjon osv.
Pris
Gebyr for førehandskonferanse finn du i vedteke gebyrregulativ her (PDF, 198 kB)