Solund kommune har 7 omsorgsbustader i nytt bygg bak Solund helsetun på Hardbakke.
Kven kan få tildelt omsorgsbustad?
- Du må vere over 18 år, og vere folkeregistrert i Solund kommune.
- Du må ha ein helsesvikt og/eller er fysisk eller psykisk funksjonshemma.
- Din noverande bustad må vere lite funksjonell, og gi lite rom for utnytting av dine ressursar til eigenomsorg.
- Noverande bustad kan i liten grad tilpassast.
- Tildeling av omsorgsbustad kan hindre eller utsette behov for sjukeheimsplass, og gi deg auka sjølvstende i kvardagen.
- Omsorgsbehovet ditt må vere av varig karakter.
- Søkar med moderat funksjonssvikt kan få tildelt bustad for å førebygge aukande funksjonssvikt.
- Omsorgsbustad kan bli tildelt som ein mellombels løysing, dersom dette kan betre funksjonsevna slik at du kan flytte tilbake til eigen bustad seinare.
Slik søkjer du om omsorgsbustad
Du søkjer ved å bruke felles søknadsskjema for helse- og omsorgstenester.
Når du sender inn søknadsskjema søker du generelt om helse- og omsorgstenester, ikkje om ei spesifikk teneste. Kommunen gjer alltid ei heilheitsvurdering av kva tenester som kan vere best for deg i din situasjon.
I søknadsskjemaet beskriv du dine behov og kva du treng hjelp til, så vurderer kommunen i dialog med deg kva tenester som kan passe.
Skjemaet må signerast og sendast i posten til:
Solund Helsetun
v/helse- og omsorgsleiar
Taklegarden 1
6924 Hardbakke
Det er den som treng hjelp, eventuelt pårørande med fullmakt, som skal underskrive søknaden.
Søk om omsorgsbustad her
Søknadsfristar
Det er ingen søknadsfrist, søknadane vert vurdert i inntaksmøtet innan fristen på 4 veker. Tek saka lengre tid vil du verte kontakta.
Prisar
Leige for omsorgsbustad vert justert årleg med den kommunale deflatoren som vert vedteke i Statsbudsjettet
Du kan lese meir om leige i husleigelova kap 4
Du kan klage på vedtaket
Du kan klage på vedtaket innan ein frist på fire veker frå du mottok brevet. Grunngje kvifor du klagar.
Dersom kommunen ikkje finn å kunne endre vedtaket, blir saka sendt vidare til Statsforvalteren som siste klageinstans.