Plan for friluftslivets ferdselsårar
Friluftslivets ferdselsårer er eit nytt nasjonalt prosjekt (2019–2023) som mellom anna skal betre turvegar, turstiar, turløyper og turleier i kommunane.
Målet med ordninga plan for friluftslivets ferdselsårar er eit verkemiddel for å identifisere, ivareta og utvikle stiar, turvegar, løyper og leier som er viktige og skal bli lett tilgjengeleg for alle. Dette skal gjerast ved å betre kunnskapsgrunnlaget, fremje planlegging av samanhengande nettverk av friluftslivets ferdselsårer (turvegar, turstiar, turløyper og lei) i kommunane, opparbeide og rehabilitere ferdselsårer i friluft, og skilting og merking av desse.
Arbeidet med plan for friluftslivets ferdselsårar vert delt inn i 4 steg, jamfør Miljødirektoratet sin vegleiar (M-1292):
- Utarbeide prosjektplan, forankring, starte opp prosjektgruppe og annonsere arbeidet.
- Statuskartlegging og registrering av ferdselsårar, hente inn relevant informasjon.
- Analysere, vurdere og prioritere tiltak
- Samanstilling av plan, høyring og vedtak av plan
Føremålet med arbeidet
Føremålet med plan for friluftslivets ferdselsårar er at den skal bidra til å:
- Auke kunnskapen om eksisterande og potensielle nye ferdselsårar
- Utvikle nye og gamle ferdselsårar på ein berekraftig måte
- Stimulere til meir aktivitet og skape auka bustadsattraktivitet
- Arbeidet skal føre til meir tilrettelegging der folk bur og dermed mindre miljøbelastning
- Auka tilgang til kulturminne
Arbeidet skal resultere i:
- Retningsliner for etablering og drift av turstiar og ferdselsårar
- Framlegg til organisering, prioritering og ansvarsfordeling
- Oppdaterte digitale kart
- Tiltaksplan for vedlikehald og vidareutvikling av ferdselsårar i Solund
Arbeidet omfattar i første omgang turstiar.
Prosess
Det er Fjordane Friluftsråd som utfører arbeidet på oppdrag for Solund kommune.
I løpet av september/ oktober vil det kome ei medverknadsrunde for planen, der vi ynskjer å kartlegge stiane som er meir og mindre brukte i Solund. Deretter skal det lagast ein plan der stiar vert prioritert og det skal lagast ei handlingsprogram. Denne planen skal leggast ut på høyring, som truleg vil skje i løpet av våren 2023.
Aktuelle lenker