Tryggleiksalarm

Tryggleiksalarm skal sikra tryggleik slik at du kan bu lengst mogleg heime.

Tenesta vert gjeve i private heimar og omsorgsbustader. Dette er i utgangspunktet eit servicetilbod og er ei betalingsteneste. Tryggleiksalarmen er tilknytta mobilnettverket som gjer at du ikkje treng fasttelefon for å kunne ha alarm.

Tryggleiksalarmen er kobla opp til alarmsentralen i Sogn og Fjordane. Ved utløysing av alarm tek alarmsentralen direkte kontakt med deg, eventuelt vert alarmen vidarevarsla til den som står først på kontaktlista. Det kan vera pårørande, nabo eller heimetenesta.

Alarmen er ein enkel måte å få kontakt med helsepersonell døgnet rundt, samt å få nødvendig hjelp dersom det oppstår ein akutt situasjon.